فوق يا قلبى
فوق يا قلبي عايزة أحب وعايزة حب
فوق يا قلبي عايزة حب ينسّي حب
عايزة قلب..قلب أبادله كل حاجة
حد واخد منها حاجة
فوق يا قلبي فوق
عايزة حد أشتاق اليه و أخاف عليه
عايزة نار أطفي بها نار
أصلي مليت الانتظار
عايزة قلب..قلب أبادله كل حاجة
حد واخد منها حاجة
فوق يا قلبي فوق
فوق يا قلبي ويالله ننسى ما تنسنيش
دي الحياة قدامنا لسه و عايزة أعيش
عايزة أعيش على قد ما أقدر
هي عيشة و الا أكتر !
عايزة قلب..قلب أبادله كل حاجة
حد واخد منها حاجة
فوق يا قلبي فوق
سونة يا سنسن
سونه يا سنسن جيتلك اهو .... قبل معادنا كمان هنا هو
جيت و منايا اشوفك جيت ... جيت يا عنيا و استنيت
جيت يا هنايا و جيه و يايا ... طيفك من المدرسه للبيت
سونه يا سنسن جتلك اهو عايزه اسلم بس عليك ... علشان ايدى تمس ايديك
و اشعر انك فعلا جنبى ... داخل قلبى و خارج قلبي
جيت مكسوفه لكن ملهوفه ... و النبى حتى ما اتغديت
جيت و منايا اشوفك جيت ... جيت يا عنيا و استنيت
جيت يا هنايا و جيه و يايا ... طيفك من المدرسه للبيت
سونه يا سنسن جيتلك اهو
جيت مخصوص بالكعب العالى ... لجلى تقول صبحت ليالي
سويت شعرى و نزلت اجرى ... اجرى ورا الامل اللى فبالي
جيت مكسوفه لكن ملهوفه ... و انما شفتك شى تخضيت
جيت و منايا اشوفك جيت ... جيت يا عنيا و استنيت
جيت يا هنيا و جى ويايا طيفك من المدرسه للبيت
تعرف انى كل خميس بحلم بيك يا حبيبى عريس
و احلم انى عروسه بطرحه من غير مريله و كراريس
جيت مكسوفة لكن ملهوفه ... اعرف انت كمان ليه جيت
جيت و منايا اشوفك جيت .. جيت يا عنيا و استنيت
جيت يا هنايا و جى ويايا طيفك من المدرسه للبيت
سونه يا سنسن جيت لك اهو
اهو اهو اهو
اغانى فيلم "التلميذة"
اشعار: عبد الوهاب محمد
غناء: شادية
الحان: بليغ حمدى - منير مراد
السنة:1961
التصنيف: عاطفى