امانة عليك يا ليل طول
أمانة عليك يا ليل طوِّل وهات العمر مـ الأول
بحب جديد وقلبي سعيد يا ريتني عشقت عمنوِّل
أمانة .. أمانة .. أمانة .. أمانة أمانة يا ليلي يا ليل
يا ليل طوِّل على العشاق وقول للفجر ما يبانشِ
يهون العمر ع المشـتاق وســاعة القرب ما تهونش
يغنيلك .. يا ليل يا ليل، على السهران.. يا ليل يا ليل
ترد عليه نجوم الليل تقوله كـــمان من الأول
أمانة .. أمانة .. أمانة .. أمانة أمانة يا ليلي يا ليل
سنين فاتت وأنا خالي أنادي الحب وأتمناه
واديني عرفته وبقالي أمل في الدنيا بستناه
وغني لك يا ليل يا ليل على الفرحان يا ليل يا ليل
ترد عليّ نجوم الليل تقول لي كمان من الأول
أمانة .. أمانة .. أمانة .. أمانة أمانة يا ليلي يا ليل
حبيبي البدر لما يبان وعوده الغصن لما يميل
خدوده الورد في البستان عيونه السحر فيها جميل
حبيبي يا ليل .. عروس الليل
على العرسان .. يا ليل طول
أغنيله وأقول يا ليل يقول لي كمان من الأول
عينى بترف
عيني بترف يا حبة عيني، يا للي سرقتي النوم من عيني
خير انشالله ده بعدك والله، والله ده بعدك كان على عيني
ميلي يا حلوة يا نور العين، والله ما شافت زيك عيني
جبتي الحسن ده كله منين، واعمل إيه لو غاب على عيني؟
خدتي القلب بنظرة عين، يا للي في بعدك ما شافت عيني
على عيني جمالك على عيني، وعلى عيني دلالك على عيني
هنّي القلب بحبك يوم، يا للي خيالك قدام عيني
خلِّي عينيا تشوف النوم، لما تصالحي النوم على عيني
لاموا عليا وكُتر اللوم، خلوا هواكي احلو في عيني
غناء: كارم محمود