غنى والحانه نجوى المنى والنور
للروض واغصانه بيغرد العصفور
غنى وقال قوموا ده الفجر اهو نور
ده الليل مع نجومه ع الفجر ما يقدر
والكل من نومه فتح وبيكبر
لله وانواره ده الملك اسراره
في ليله ونهاره سبحانه من صور
غنى وقال كلمة لزرعنا الاخضر
يا ثروة يا نعمة من الخالق الاكبر
وطار مع النسمة عن رزقه بيدور
ده الكل له نصيبه وغيره ما يصيبه
مكتوب له وراضي به والرزق متقدر
غنى والحانه نجوى المنى والنور
للروض واغصانه بيغرد العصفور
غناء: اسماعيل شبانة - عام 1957