قول يا عزول مهما تقول
احنا حبايب وانت عزول
مهما تقول مهما تقول
قول يا عزول أيام وسنين
شوف راح يزعل منك مين
قول يا عزول مهما تقول
احنا بعيد محناش سامعين
شاغل روحك ليه
بس هاتاخد ايه
حد شكالك حد بكالك؟
حد بعتلك ولا ندالك؟
قول يا عزول مهما تقول
احنا حبايب وانت عزول
مهما تقول مهما تقول
ليل ونهار يا عزول محتار
تحكى لجارة وتحكى لجار
قول يا عزول مهما تقول
احنا فى جنة وانت فى نار
احنا مع العاشقين احنا
وانت مع اللايمين انت
حد شكالك حد بكالك؟
حد بعتلك ولا ندالك؟
قول يا عزول مهما تقول
احنا حبايب وانت عزول
مهما تقول مهما تقول
طول الايام فى كلام وكلام
قصدك يبقى الود خصام
قول يا عزول مهما تقول
متفرقنا ولا الأحلام
والمشغول البال آه
ماصدق عزال آه
حد شكالك حد بكالك؟
حد بعتلك ولا ندالك؟
قول يا عزول مهما تقول
احنا حبايب وانت عزول
مهما تقول مهما تقول
غناء: فايزة احمد - تسجيلات الاذاعة المصرية عام 1956