والعيش والملح وعشرتنا
ما تهونش علينا محبتنا
ولا نقدر على نار فرقتنا
وحنرجع.. ومسيرنا لبيتنا
بيتنا وحشنا
واحشني هواه
ويمين بالله
والعيش والملح
قولي عايز إيه؟
مش حقولك ليه
ليه يقسى قلبك
وتنسى حبك
والذكريات
زعلان أصالحك
غلطان أسامحك
وانسى اللي فات
يا ما اتخاصمنا
واتصالحنا لوحدنا
من غير ما نتعاتب
رجعنا لبعضنا
بهمسة غرام
ولمسة حنان
بننسى الخصام
كأنه ما كان
بيتنا وحشنا
واحشني هواه
ويمين بالله
والعيش والملح
غناء: ليلى مراد - اسطوانات صوت الفن 1975