قلبك مش راسي على حال وكتير بتحيرني بصدك
تخاصمني وترجع تصالحني
وتقوللي ده كان غصب عني
أه ياخويا منك .. أه ياخويا منك
عليك حبة شقاوة دوبت القلب بيها
لكن نارك غلاوة والناس حسداني عليها
وأنا خايفة عليك وباغير وغلبت من التفكير
تخاصمني وترجع تصالحني
وتقوللي ده كان غصب عني
أه ياخويا منك .. أه ياخويا منك
لو غبت عني شوية وخليت اليوم يفوت
روحي بتروح عليا أو يمكن حتى أدوب
أمال لو غبت شهور
رح لف وراك وأدور
تخاصمني وترجع تصالحني
وتقوللي ده كان غصب عني
أه ياخويا منك .. أه ياخويا منك
غناء: فايزة احمد - عام 1963