اسأل عليا وارحم عينيا
من دمعة رايحة ودمعة جاية
اسأل عليا
حبيبي إنت الوحيد
ومهما تقسى حبي يزيد
لا ليا غيرك ولا ليا حد
ولا افتكرلك غير كل ود
وعشان بحبك يصعب عليا
وأقول غرامك ما كانش ليا
يا للي غرامك كله أسية
اسأل عليا
ابعتلي مرة ولو سلام
يمكن يصبر يمكن أنام
بستنى منك جواب يجيني
يقول فاكرني ومش ناسيني
وبكل كلمة لحظة هنية
ترحمني فيها من اللي بيا
واقول حبيبي سأل عليا
اسأل عليا
ما اقدرش أنسى وانسى ليه
مين ليا غيرك أسأل عليه
روحي يا نسمة قولي لحبيبي
مهما هجرني وطال نحيبي
غرامي هو عواطفي هي
وشوقي هو واكتر شوية
زادت عليهم دموع عينيا
اسأل عليا
غناء: ليلى مراد - فيلم "الحياة الحب" 1954