يا فايتني في حيرة مشغول البال
اخترلك خيرة يا انا يا العذّال
يا أنا بأشواقي وأحلامي دايما حواليك
وبخوفي عليك من أيامي وبغيرتي عليك
يا تروح بجمالك انت وعذالك
يا تروح بجمالك ياخدوك عذالك
وارتاح م الغيرة والقيل والقال
اخترلك خيرة يا انا يا العذّال
يا أنا بأوهامي وبظنوني وحنيني إليك
والشوق السهران في عيوني يسهر في عينيك
يا تروح بجمالك انت وعذالك
يا تروح بجمالك ياخدوك عذالك
وارتاح م الغيرة وده عاد وده قال
اخترلك خيرة يا انا يا العذّال
غناء: كارم محمود - اسطوانات الف ليلة 1958