قولوا على كيفكم قولوا مش هيهمنا
حبنا راح يكبر واحنا لبعضنا
قولتوا يا ما قولتوا احنا أهه سوا
خليكم براحتكم واكبر ، اكبر يا هوى
وامسكوا الخشب يا حبايب امسكوا الخشب
لاحسن نتحسد يا حبايب على أهون سبب
الزمان أهه روق وابتسملنا
والسعادة الحلوة لينا ومننا
والأمل أكتر والحياة سكر
والأماني يا ناس فاقت الأحزان
يا سلام يا هوا ده احنا دوبنا سوا
والليالي الحلوة للسهارى سوا
وخدني خدني لفوق وخد معايا الشوق
نحكي أحلى كلام ونسبق الأيامه
غناء: مها صبرى - اسطوانات صوت القاهرة 1975