الغيرة ليه - عبد العزيز سلام

الغيرة ليه والحيرة ليه
والقلب إنتي ساكنة فيه
غيرتك دليل حبك ليا وده شئ يطمني
لكن بقى ظنك فيا هو إللي آلمني
من طول ظنونك
زادت شجونك
وحياة عيونك
صاين هواكي والروح معاكي
والغيرة ليه والحيرة ليه
والقلب إنتي ساكنة فيه
الحب وردة ندية تفتننا بجمالها
والغيرة نارها قوية خايف تدبلها
سيبي الظنون وافرحي بالدنيا وآمالها
الوردة تكبر وشوكها يكون لعزالها
وردة هوانا
هي منانا
تزيد هنانا
دا أنا بين إيديكي وروحي فيكي
والغيرة ليه والحيرة ليه
والقلب إنتي ساكنة فيه

غناء: محمد فوزى - فيلم "الحب فى خطر" 1951