ورسمت قلبي بألف جناح
وفضلت طاير بيه في الكون
معرفش ليه شدتني رياح
ورجعت تاني أعيش مسجون
يمكن تعبت من المشوار
ولا النهار دا ما كانش نهار
ولا الأمل كلمة ف أشعار
أما الوجود كان شوك وجراح
يمكن عشان كان حلمي بعيد
إن الإيدين تتوحد إيد
وان الأمان يملى المواعيد
وان العيون من فوق ترتاح
يمكن عشان كل الأحلام
أوراق شجر تخضر قوام
وتشيب وتقطفها الأيام
قبل الندى ما ينادي صباح
غناء: مدحت صالح - البوم "كوكب تانى" 1989