ياللي جمالك عجب.. يعجب ويتعاجب
شفت ف هواك العجب.. وبرضه مش عاجب
يا للي جمالك عجب..
لما هوانا انكتب رضينا بالمكتوب..
والحب له 100 سبب وله نعيم وهموم
بعدنا عن ذنبه.. والقلب ايه ذنبه
يفوتوا للي انكتب
يا للي جمالك عجب..
داري جمال رقتك.. وخبي سحر عينيك
يا للي الهوى لعبتك.. يا خوفي منه عليك
يلعب بقلبك يوم.. تنسى الهنا والنوم
هو الهوى يتغلب؟
يا للي جمالك عجب..
ظالمني ليه وياك .. وفين حنان قلبك
انا اللي بختي معاك .. زي الهنا في حبك
قليل ومش دايم .. شمت ليه اللايم؟
ما تقولي ايه السبب
يا للي جمالك عجب..
ياللى جمالك عجب
غناء: محمد قنديل
اشعار: عبد المنعم السباعى
الحان: محمد فوزى
الاصدار: من تسجيلات الاذاعة المصرية
السنة: 1958
التصنيف: عاطفى