اول ما نبدى بالصلاة على النبى
اشرح كلامى للقلـــوب الساهرة
كلام صحيح فيه الفوائد و الحـــكم
اللى تقدرها النفوس العامــــــــــرة
مش اى كلمة ع الميدان نرتاح لها
مش اى قصة لــــو حقيقة مؤثرة
بالعقل نوزن كل شئ راح نسمعه
و كفاية علينا المشــــــــــــــــورة
يا اخوانا ايه غير الاشـاعة يهدنا
يا اخوانا مين هى الجريمة مصورة
ازاى تفكـــــــــر إن فيه عندك عدو
يمكن يشوفك فى حيــــــــاة متنورة
ازاى تصـــــــدق إن فيه عندك عدو
يتعس و شايف ابن العرب متشطرة
يا اخوانا دى اصلا مهياش معضلة
دى حاجة واضحة مكررة و مفسرة
العــــــدو هو اللى بتفيده الاشــــــاعة
و اضغر اشاعة لو تصح تجيب ورا
العــــدو هو اللى عايز لقمتك متعطنة
هو اللى عــــــــــايز ميتك متعــــــكرة
العدو هواللى عايزك تشتهى طعم المنام
و تعيش فى دنيا م الفزع متصـــــــورة
اصبر على رزقـك
وبكره النــــور يبان
اصبر و مهما تكون
خلاص متســــــطرة
الصـــــبر مــــــــــــر
و للظــــروف نتحمله
و ع الرجــــــــــــــال
تبقى المرارة مســـكرة
فيه ناس بتتــــــعب لك
و راضية بالتعب
و المسئولية عايزة
صاحب مقـــدرة
البرتقانة عـــايزة
ايد تــزرع
و ايــــد تبنى
و ايـــد تبقى
تأكلها مقشرة
الثورة عـــــــايزة
كل واحد فى البلد
يصحى و يجـــهز
و الــدراع متشمرة
الثورة عايـــــــــزة
كل واحــــد ينطلب
يفتـــــــــــــح عينيه
يلقى ايديه متحررة
و اللى جمع بين العرب
فى المعركة
تصبح بأمره
ورودها زاهية منورة
غناء: محمد قنديل - تسجيلات الاذاعة المصرية عام 1972