تلات سلامات يا وحشني تلات أيام
بإيدي سلام، وعيني سلام، وقلبي سلام
بعادك يا جميل طوّل وده أول معاد بيطول
تلات أيام يا روح قلبي وانا جنبي حسود وعذول
يقسوني عليك ما اقسى.. ينسوني هواك ما انسى
يا مالي الدنيا في عينيا
تلات سلامات وشوية تلات سلامات
عرفت الوحدة ايه هي.. وايه ايامي في بعادك
وشوفتك هانت الدنيا ولا فكرت في عتابك
واعاتبك ليه وانا بحبك واقولك ايه وانا بحبك
يا مالي الدنيا في عينيا
تلات سلامات وشوية تلات سلامات
عيونك سود واقول مش سود عشان الناس تتوه عنك
واصونك من عذول وحسود واغير حتى عليك منك
ولو قلبك سأل قلبي حيعرف قد ايه حبي
يا مالي الدنيا في عينيا
تلات سلامات وشويه تلات سلامات
تلات سلامات يا وحشني تلات أيام
بإيدي سلام، وعيني سلام، وقلبي سلام
محمد قنديل - من تسجيلات الاذاعة المصرية عام 1954