سحب رمشه - عبد الفتاح مصطفى

سحب رمشه ورد الباب كحيل الاهداب
نسيت اعمل لقلبي حجاب وقلبي داب
رموشه تميل على خده
جناح رفرف على ورده
ولو طلب القمر وده أمل كداب
نسيت اعمل لقلبي حجاب وقلبي داب
سحب رمشه ورد الباب
نسيم العصر ع القصة
بيحكي للهوى قصة
وبين البصة والبصة تدوب احباب
كحيل والكحل من بابل
وامتى عيونا تتقابل
يا ريت نظرة وانا اقابل ولو بعتاب
غزال أنفاسه تتنسم عبير
والخطوة تتقسم نغم
وشفايفه تتبسم ولا العناب

غناء: محمد قنديل - عام 1964