نصيحة ياللى بتأمن على فرحك مع الدنيا
أمنت الريح على شمعك والنسمة بتطفى 100 شمعة
الدنيا اسألنى عنها فى قلبى جرحى منها
اسمع نصيحتى اوعى تأمنها اوعى تأمنها
ضحكتلى يوم وقالتلى قوم
ابنى الأمال واطوى الهموم
لك عندى عندى اجمل هدية ليك
لك عندى قلبى مشتاق اليك
قلتلها قلبى يا دنيا غالى
والحب غادر ملهوش غالى
ادتنى الأمان وكان اللى كان
قبلت هدية الدنيا
وكانت أغلى م الدنيا
الهدية حب غالى
حب غير كل حالى
يوم ما بان لعنيا
يوم ما هل عليا
هل نور الشمس
ع القلب اللى تايه فى الظلام
قال له نور الحب شافك
جاى يهديك السلام
ودار الزمان وكان اللى كان
يا دنيا الهدية
نصيب اللى خدها
وملك اللى خدها
محدش يا دنيا
بيدى الهدايا
ويرجع ياخدها
غناء: محرم فؤاد - فيلم "ولدت من جديد" 1965