اشكي لمين
وانا طول عمري قلبي حزين
دقت القسوه من الاحباب
شفت الغدر من الاصحاب
عشت حياتى عذاب في عذاب
وانا على الحال ده بقالي سنين
اشكي لمين او مين يسمعني
وانا بين ناسي واهلي غريب
اشكي لصاحب خاني وباعني
ولا حبيب جرحه ما بيطيب
ليه الدنيا بتلعب بيا
ليه الحظ معاند فيا
نفسي ادوق طعم الحنية
زي ما كل الناس عايشين
ده انا من وعيت ع الدنيا
وانا مكتوبلي اعيش مغلوب
اهرب فين من حظي يا دنيا
وازاي اهرب من المكتوب
ده انا جوايا جرح معلم
ليل ونهار عمال اتألم
انا مش هاشكي ولا هاتكلم
الا لغير رب العالمين
غناء: محرم فؤاد - البوم "سيبوا المجروح فى همه"