بنصبح يا شمس بنصبح
بنصبح يا ورد يا مفتح
بنصبح يا نسمة
يا طايرة مبتسمة
وشايلة فى جناحك الرزق والقسمة
وبحمد يارب بنسبح بنسبح ..
وبنصبح بنصبح
بنصبح على الصاحيين
بيقابلوا النهار بحنين
رايحين العمل رايحين
فى قلوبهم امل رايحين
ويقولوا رضاك يا معين
بنصبح يا نسمة
يا طايرة مبتسمة
وشايلة فى جناحك الرزق والقسمة
وبحمد يارب بنسبح بنسبح ..
بنصبح على الأجيال
من ابنى لاخويا لخال
من ام الضفيرة الحلوة الصغيرة
لابويا ولام الشال
بنصبح يا نسمة
يا طايرة مبتسمة
وشايلة فى جناحك الرزق والقسمة
وبحمد يارب بنسبح بنسبح .
غناء: محرم فؤاد