يا رايح على صحرا سينا
سلم على جيشنا اللى حمينا
قول له احنا معاك و حياتنا فداك
ولا يغلى عليك أغلى ما فينا
احنا ولاد عمك و أخواتك
و قلوبنا دايما ثكناتك
تسلم و تعيش لنا قواتك
ترعانا و تحرس أراضينا
كلنا وياك جبهه قويه
و ايديك في ايدين الفدائية
هاترد فلسطين عربية
و ياويلهم منك أعادينا
الله يا سلام على فرحتنا
بالنصر وطرد عدوتنا
ونهارها تقابلك امتنا
بالبوس والافراح والزينة
غناء: ليلى مراد - عام 1967