ساعة ما باشوفك جنبى ما اقدرش ادارى و اخبى
ابكى من فرحة قلبى
و انسا العذاب
يا نور عيونى زادت شجونى دبل جفونى
كتر الغياب
طيفك دا تملى شاغلنى مطرح ما اروح يقابلنى
أجى أضمه يخايلنى اتاريه أوهام
صعبان عليا كتر الأسيه ارحم شويه
و بلاش خصام
صبرت الشوق علا بعدك كان املى تحفظ عهدك
اتاريك حنيت لعوايدك و شغلت البال
ليلى نهارى من كتر نارى أصبر و ادارى
و أطوى الآمال
خلتنى نسيت احبابى و وهبتك زهر شبابى
و قطفته ليه تخلا بى
كل دا يرضيك كل دا يرضيك
تهجرنى برضه احبك
تلاوعنى برضه احبك
تنسانى برضه احبك
ما اقدرش انساك
ساعة ما باشوفك جنبى ما اقدرش ادارى و اخبى
أبكى من فرحة قلبى
و انسا العذاب
يا نور عيونى زادت شجونى دبل جفونى
كتر الغياب
غناء:
1- محمد عبد الوهاب
2- نجاة الصغيرة - حفل سينما ريفولى ثم صدر تسجيل الحفل فى اسطوانات صوت الفن عام 1966