صحيت من بدرى والدنيا جميلة بالامل طالة
لقيت الفرحة قدامى على وطنى الحبيب هالة
قطفت من الزهور وردة وحطيتها على القلة
ونور الفجر بيصبح على احلى البلاد والله
صباح الخير على بلادى
صحيت يا دنيا من بدرى على احلى سنين عمرى
لقيت البلبل الشادى على احبابه بينادى
وبيغنى من الفرحة نهار ابيض صباح نادى
صباح الخير على اهلى صباح النور على بلادى
بساتين الربيع طارحة زهور بتغنى للفرحة
وبين الفل والياسمين تلاقى حلوة الحلوين
بتتمخطر بفستانها وهى جوة بستانها
تبارك ربنا الخلاق تشوفها تقول ما شاء الله
صباح الخير على بلادى
غناء: محمد العزبى