يا ابو رمش جرئ وسهام دباحة
يا مصحى الناس وعينيك مرتاحة
من يوم ما رميتنى بسهم عينيك
وانا روحى بقيت حواليك سواحة
يا ابو رمش جرئ
انا قلبى شراع مفرود بهواك
والعين على البر هناك شايفاك
وبلف وادور واعدى بحور
على الروح اللى انت واخدها معاك
يا ابو بسمة تقول للفجر اطلع
مش عارف ايه وياك ينفع
من يوم ما رميتنى بسهم عينيك
يا ابو رمش جرئ
عرفنى طريقك عرفنى متوهنيش
علمنى العوم وحياة عينيك متغرقنيش
دى السكة طويلة ومش عارف امشيها منين
اتبسم بسمة وحياتك خلينى اعيش
يا ابو رمش جرئ
غناء: سيد اسماعيل