وهنت عليك وماضى هواك فايتهولى
وهنت عليك ومر الشوق سقيتهولى
نسيت الحب والعشرة
ورحت وقولت عدولى
فى يوم ما بعدت مجبتش للوداع سيرة
ورحت وغبت وعمرى تقصره الحيرة
لا جرح الفرقة يوم يهدى
وشوقى دموع ونار قايدة
اقول كنا واقول هونا
واعد النجم بالواحدة
وماضى هواك فايتهولى
نسيت ايام كانت حلوة نسيتها ازاى
وقبل ما تخلص الغنوة جرحت الناى
مجاش منك تفوت تسأل عنى
مجاش منك جواب واحد يطمنى
ولهفة قلبى وخدانى
وحيرة الدنيا فى عينيا
سنة بطولها لحد هواك ما تاه منى
وماضى هواك فايتهولى
نسيت الحب والعشرة
ورحت وقولت عدولى
وهنت عليك
غناء: سعاد محمد