قالك ايه قاله اه
قالك شوفنا الواد شوفناه
لما قابلناه كلمناه
عشمناه وشبكناه
دوخناه فى الحب وتاه
قالك حب ولما تحب خليك رقة
هاتلوعنا وهاتخدعنا نقولك لا
ونسيبك على طول ونطير
لكن لما هاتبقى امير
وهاتعرفنا وتشرفنا
نفرشلك السكة حرير
مش زى اللى احنا قابلناه
كلمناه عشمناه وشبكناه
دوخناه فى الحب وتاه
قالك حب ولما تحب تنقى الذوق
واوعى تطب قوام فى الحب بنظرة شوق
تبقى وقعت حتة وقعة
تلقى النار فى عواطفك والعة
فكر قبلة نقى الاحلى
ما انت عرفت خلاص الصنعة
مش زى اللى احنا قابلناه
كلمناه عشمناه وشبكناه
دوخناه فى الحب وتاه
غناء: الثلاثى المرح - اسطوانات صوت القاهرة عام 1971