روح ياهوى زي ما راحوا أحبابي روح
روح ياهوى ويا دموعي وعذابي روح
وكفايه كام سنة ما شفت يوم هنا
ولا دق الفرح يوم واحد على بابي
ولا عمر الجرح فات عمري وشبابي
ويقولوا العاشقين ويقولوا في الحب مرتاحين
مساكين العاشقين روح ياهوى
ناديت وطال ندايا واحتار صبري معايا احتار
واللي بنادي عليه قلبه ماهوش ويايا
وفايتني للليالي وسهد الليالي وحيرة الليالي
وحتى دمع الغالي ماعاد في حبه غالي
راجع دمعك جوه عينيك فاكر لسه القلب شاريك
ماخلاص باعك زي مابعته ولا عاد يشفع دمعك له
خلي دموعك زي ماكانوا ياما دموعي في حبك هانوا
قلبي الطيب ياما وراني ياللي ماكنتش يوم على شاني
ويقولوا العاشقين في الحب مرتاحين
مساكين ... العاشقين روح ياهوى
غناء: وردة