لا أنا خاين ولا قاسي ولا غادر
وليه تغدر وليه ناسي؟ أنا فاكر
فرشت الأرض بالحنّة ومشيتك
وقلت الدار بقت جنّة وخبيتك
وكان فكري تبادلني حنين بحنين
ولا أفوتك ولا تفوتني شهور وسنين
لقيت الهجر فيك باين
وبرضه تقول لي يا خاين
لا أنا خاين ولا قاسي
وهبتك عمر من عمري وحبيتك
وكان الحب من بدري وهنيتك
بنور الصبح صبحتك صباح الخير
وبالأفراح وفرحتك وسبت الغير
وخنت الود وأنا صاين
وبرضه تقول لي يا خاين
لا أنا خاين ولا قاسي
طلبت الورد من عندي زرعتهولك
طريق الخير أنا لوحدي رسمتهولك
وساعة الفجر أدعيلك بقلبي وأقول
إلهي الفرح دا يجيلك وفرح يطول
وتديني وأنا داين
وبرضه تقول لي يا خاين
لا أنا خاين ولا قاسي
غناء: عبد العزيز محمود - من تسجيلات الاذاعة المصرية عام 1958