فرحة حبيبى هى النهاردة
وانا فرحى بكرة والفرحة واحدة
ياريت يا بكرة تيجى النهاردة
قالولى لما يتم مناه
هاينولك املك فى هواه
ويسعدك وتعيشى معاه
ولما انا كل الامل شوفت الخيال
صورلى بكرة قبل النهاردة
ياريت يا بكرة تيجى النهاردة
شربات حبيبى اسقيه بايدى
واقلع قديمى والبس جديدى
ده اليوم ده عيده وبكرة عيدى
وافرح بقربه ويبان لى حبه واتهنى جمبه
ويبقى بكرة زى النهاردة
ياريت يا بكرة تيجى النهاردة
يا قلبى بوح له بشوق هواك
واسعد وقوله على مناك
يمكن يا قلبى يكمل هناك
ويبان رضاك وتعيش معاه
على هواه
وتلاقى بكرة زى النهاردة
ياريت يا بكرة تيجى النهاردة
غناء: هدى سلطان - اغانى فيلم "ليلة القدر / الشيخ حسن" 1954