انا مين فى الدنيا انا ضل خيالك
تابع لخطاكى عاشق لجمالك
انا سر وغالى لوعت الخالى
انا جرح وداوى انا اسمى الهوى
انا طير وبغنى لعينيكى الحلوة
ادم علمنى غنوة اسمها حواء
انا سحر الجفون انا كحل العيون
انا ضى النجمة تحكيلها لعواطفك
انا الطف كلمة عرفتها شفايفك
انا وعد غرام وعتاب وسلام
انا همسة جميلة تشغل افكارك
انا قصة طويل تحكيها لجارك
انا لهفة وشغل انا فرحة وامل
انا مين فى الدنيا انا ضل خيالك
تابع لخطاكى عاشق لجمالك
غناء: عبد العزيز محمود - من تسجيلات الاذاعة المصرية 1958