عطشان يا صبايا دلونى على السبيل
تايه فى بحور هواكم وماليش غيركم دليل
عطشان ومعطشنى حايشين المية عنى
تايه فى بحور هواكم وماليش غيركم دليل
دلونى على السبيل عطشان يا صبايا
الشوق هو اللى عارف ايه اللى بينى وبينكم
هى بلة شفايف مش عايز غيرها منكم
والمية بين ايديكم وانا روحى بين ايديكم
هايخس ايه عليكم ما المية رايحة جاية
عطشان ومعطشنى حايشين المية عنى
تايه فى بحور هواكم وماليش غيركم دليل
دلونى على السبيل عطشان يا صبايا
انا جى من البرارى لا زاد ولا زواد
ومهاجر من ديارى ومتوه فى البلاد
بسأل صبية وفى ايدى القنانى
تملاها دموع عينيا وتعود تشربها تانى
عينيا بقت سواقى وحبالها المناديل
مبقاش فيها بواقى للمشوار الطويل
عطشان ومعطشنى حايشين المية عنى
تايه فى بحور هواكم وماليش غيركم دليل
دلونى على السبيل عطشان يا صبايا
الناس يقولوا الصبر وانا اقول حبيبى مفيش غيره
حتى ان شربت المر من ايده حبيبى ماليش غيره
دى شجرة الصبر لو تعطش لا هاتصبر ولا تصبر
زى سحابة الصيف لا بتندى ولا تمطر
والناس يقولوا الصبر
فى كل شمس صباح وفى كل قمراية
بعدى على الرياح واخطى فى قنايا
وعطشان لا قادر ابل ريقى ولا عارف فين طريقى
يا ناس رسونى معاكم على البر الاصيل
عطشان ومعطشنى حايشين المية عنى
تايه فى بحور هواكم وماليش غيركم دليل
دلونى على السبيل عطشان يا صبايا
غناء: عبد اللطيف التلبانى - فيلم "جزيرة العشاق" عام 1968