اه من الحب اه
روحناله وجربناه
ريحنا فى اول شهر
تانى شهر تعبنا معاه
سيبناله الدنيا بحالها
وامبارح بطلناه
يا لطيف يا حول الله
روحناله وارتحناله وشباكه طرحه علينا
نعسنا وامناله دوخنا ولعب بينا
من عز الشوق فوقناله
اتاريه كان هايموتنا
علشان احنا سكتناله
قالوا الحب لذيذ قالوا ومدحوا فيه
واتاريه مالهش عزيز ولا غالى بيعلى عليه
ده فى اول ما قابلناه وادينا وخدنا معاه
توهنا يا عينى علينا واحنا اللى امناه
ده حب مينفعناش وكمان ميلزمناش
والسكة اللى توصله تانى مرة ما هانروحاش
ما خلاص اتعلمناه وحفظنا كل غناه
وعرفنا بيعمل ايه فى القلب اللى بيهواه
ريحنا فى اول شهر
تانى شهر تعبنا معاه
سيبناله الدنيا بحالها
وامبارح بطلناه
يا لطيف يا حول الله
غناء: الثلاثى المرح - اسطوانات صوت القاهرة عام 1971