انا جد سعيد انى عرفتك
وارتحت صحيح لما قابلتك
عجبتنى فيك الشخصية
واكتر من كده رقة قلبك
النظرة المليانة ثبات شدتنى اليك
وعلشان افكارك لماحة مبخافش عليك
مبقولش حلاوتك خلتنى اسهر وادوب
ولا حتى عينيك دول شغلونى مش ده المطلوب
عجبتنى فيك الشخصية
واكتر من كده رقة قلبك
وانا جد سعيد انى عرفتك
كونك انك حلو ده شئ تانى ياما فيه موجود
ده جمال الطبع لفت نظرى واهو ده المقصود
وحياة الحب اللى جمعنا بتشرف بيك
واكون مبسوط لو من عمرى اقدر اديك
عجبتنى فيك الشخصية
واكتر من كده رقة قلبك
وانا جد سعيد انى عرفتك
يعجبنى كمان فيك يا حبيبى الطوع والعفة
ويزيد اعجابى اكتر واكتر الدم الخفة
بالذوق والاحساس تخجلنى وتقصر فيا
واللى اتمناه قلبى لقيته وزيادة شوية
وانا جد سعيد انى عرفتك
غناء: احمد سامى