عطشان والنبى عطشان
والقلب بقاله زمان
عطشان والحلو الصابى
شايفاه الروح والعين
وسنين وانا فى الحتة دى
مش عارف اروحله منين
مالك يا جميل بخلان
والكاس فى ايديك مليان
عطشان للضحكة الصافية
اللى من جنة ونار
والنظرة الحلوة الصاحية
فى عينيا ليل ونهار
مالك يا جميل بخلان
والكاس فى ايديك مليان
عطشان من الغصن ده لما
ياخد قلبى ويميل
وبشوفه وسط اللمة
عوده منور وجميل
والغصن ده ليه تقلان
والورد ده ليه نعسان
عطشان والنبى عطشان
والقلب بقاله زمان
غناء: عبد الغنى السيد