اه من قلبى ودقته
اه من حبى ولوعته
اه منهم الاتنين
اخاف من الحب على قلبى
وفى الحرمان انادى عليه
ولما اشكى عذاب حبى
اقول للقلب حبيت ليه
الاقى النار فى جنته
اتوه واحتار فى قصته
اه من قلبى اه
اه من حبى اه
اه منهم الاتنين
فى ليل الهجر اندهله
ولما افرح بحبى معاه
اعود للهجر اشتاقله
علشان اشرب هناه وشقاه
وانسى الدموع فى ضحكته
يكوى الضلوع بقسوته
اه من قلبى اه
اه من حبى اه
اه منهم الاتنين
اسامح لما يظلمنى
واقول بكرة هايفرحنى
وادوس على الشوق ما يألمنى
وورد خدوده يجرحنى
واخبى يأسى فى فرحته
وتزيد فى نفسى معزته
اه من قلبى اه
اه من حبى اه
اه منهم الاتنين
غناء: صباح