الدنيا جمال فى هدوء البال
وفى كل مجال الدنيا جمال
فوت الافكار شيلها من بالك
على ايه تحتار والحسن قبالك
تلاقيه فتان فى جمال الوحدة
على الاغصان تتجمع وردة
الدنيا جمال فى هدوء البال
وفى كل مجال الدنيا جمال
اسرح فى الكون تلقاله معانى
لها شكل ولون احلام وامانى
شوف العصفور فارد جناحاته
فرحان بالنور بيقول نغماته
الدنيا جمال فى هدوء البال
وفى كل مجال الدنيا جمال
الليل السارى بيعد كواكبه
والنيل الجارى فرحان بمراكبه
اتملى ربيعك على الارض مزوق
امسح فى دموعك واصفالنا وروق
الدنيا جمال فى هدوء البال
وفى كل مجال الدنيا جمال
غناء: نجاح سلام - عام 1954