ليه يا عينيا تخبى عليا ليه
واللى جفاكى ياما شغلنى عليه
ليه يا عينيا ليه
ليه بتدارى قساكى وانا عايش فى هواكى
والحيرة اللى فى قلبى من دمع وبكاكى
واللى مرخص دمعك حير بالى عليه
ليه يا عينيا ليه
ليه حيرانة بنارك وانا عارف افكارك
والاه اللى بقولها بتبوح لى باسرارك
واللى شغلنى معاكى ياما سهرت اناجيه
ليه يا عينيا ليه
النوم اللى جفاكى سهر قلبى معاكى
والاحلام الحلوة هجرانى وهجراكى
واللى حرمنا خياله هونت انا وانتى عليه
ليه يا عينيا ليه
غناء: نازك - من تسجيلات الاذاعة المصرية عام 1957