كلمتك يا حب يا حب يا حب
زى قلب الوردة ساعة الفجر
دايماً جديدة دايماً جديدة
غنوتك يا حب يا حب يا حب
زى جوز عصافير على فروع خضر
دايماً سعيدة دايماً سعيدة
دنيتك يا حب يا حب يا حب
زى صحراء تاه عليها البدر
دايماً بعيدة
قسمتك يا حب يا حب يا حب
زى دعوة أم ليلة القدر
دايماً اكيدة
يا حب يا حب يا حب
دايماً جديدة دايماً جديدة
كلمتك يا حب دايماً جديدة
ولو نعيدها كل غمضة عين
غنوتك يا حب دايماً سعيدة
وهى بتصحى دموع العين
دنيتك يا حب دايماً بعيدة
حتى ولو عاش فيها كل اتنين
قسمتك يا حب دايماً أكيدة
وهى سهم يمر بين قلبين
بكلمة لو مال لها قلب الربيع يدبل
وغنوة لو كلها آهات نقول اجمل
ودنيا نوصل لها ونرجع علشان نوصل
وقسمة تحكم ولا نفكر ولا نسأل
غناء: الثلاثى المرح - من تسجيلات الاذاعة المصرية