جمال الدنيا فى ضيك
ميوصلش لوصفه خيال
ومين يا صبح مين زيك
وزيك متخلقش جمال
تهادينى بأنوارك وبيك الدنيا تتزوق
ولورودك وازهارك عيوننا الهايمة تتشوق
وشادى الطير بأنغامه بيوصف شوقه وغرامه
ومين يا صبح مين زيك
وزيك متخلقش جمال
بلمسة من النسيم نصحى
نسيم من الورد متعطر
ونلقى البهجة والفرحة
على قدومك بتتمخطر
وفيك البسمة تلقانا
وبيك تتغنى دنيانا
ومين يا صبح مين زيك
وزيك متخلقش جمال
هلالك لما بيلالى
جمالنا نادر ما له نهاية
ويسرى سحره فى خيالى
يصور فى العيون آية
فى اجمل صورة صورها
الهى ولينا نورها
ومين يا صبح مين زيك
وزيك متخلقش جمال
غناء: اسماعيل شبانة