قلبي اللي انت ناسيه اسأل مرة علي
ياللي انت ناسيني .. بعدك على عيني
الليل سهرني وسهرته .. والشوق حيرني وحيرته
وآدي آخرة قلبي اللي طاوعته
الدنيا في بعادك ازهارها دبلانة
والبدر انواره مع قلبي حيرانة
انا كنت فين والحب ده فين
ياللي انت ناسيني .. بعدك على عيني
يا اللي بتشكي من الهوي هون عليك
الدنيا مليانة هنا ملك لأيديك
انسى أساك و نار هواك
الدنيا تحلى و تروق معاك
واعطف على القلب اللي يحبك
يفرح قلبك وافرح جنبك
يا اللي انت ناسيني ...بعدك على عيني
اهو جاني حبيبي اهو جاني
ورجعلي الفرح من تاني
غني يا قلبي غنوة حبي
غنيها و قولها من تاني
يا منور في عينيا الدنيا
الدنيا في قربك حاجة تانية
الورد بيضحك و يغني و يهني جمالك يا حبيبي
والنسمة تمر و تسألني عن سر جمالك يا حبيبي
غني يا قلبي غنوة حبي ...غنيها و قولها من تاني
قلبى اللى انت ناسيه
غناء: محمد فوزى ونازك
اشعار: محمد حلاوة
الحان: محمد فوزى
الاصدار فى: فيلم "كل دقة فى قلبى"
السنة: 1959
التصنيف: عاطفى