حبة ملح عند الجارة
جارة يا جارة
نلاقيش منخل .. من غير طارة
نلاقيش حلة .. ولا مقوارة
نلاقيش مصفة .. ولا عصارة
اه يا خسارة
حبة ملح عند الجارة
جارة يا جارة
عندك لمبة .. ولا فيه نيارة
ابرة وفتلة .. تاخدوا دبارة
ولا فيش قطرة .. ولا قطارة
حبة بندق .. فيه كسارة
كورة ومضرب .. لا زمارة
اه يا خسارة
حبة ملح عند الجارة
جارة يا جارة
هى شحاتة ولا شطارة
احنا قصادكوا هنا فى الحارة
اول ناصية .. تانى عمارة
اما تباتة اما جسارة
دى جمايلك مردودة يا جارة
تاخدوش بيتنا على جرارة
الجارة على الجار ستارة
لا انتوا غلابة ولا انتوا فقارة
انتى بخيلة .. لا مكارة
عارفة الطعم وراه سنارة
عارفة النار اولها شرارة
الملحاية تجر حكاية
والفتلاية تجر عبارة
اه يا خسارة
ده احنا يا جارة
حيارى سهارى
وانتى حليوة
ولسة بدارة
بنت بنوت زى النوارة
على الشباك .. حطينا ستارة
على الابواب .. سنجين وادارة
على النضارة .. يا ابو لسب اشارة
والمشية زى الطيارة
وعيونك .. فوقها النضارة
لا تردنا سلك ولا اشارة
اه يا خسارة
يبقى مفيش من لعبة
حبة ملح عند الجارة
حبة ملح
غناء: الثلاثى المرح وثلاثى النغم
اشعار: عبد الفتاح مصطفى
الحان: احمد صدقى
التصنيف: عاطفى / مونولوج