انا وحبيبى والقمر بين الشجر طالل علينا
نولت الهنا وشوفت انا كل المنى ما بين ايدينا
هلت علينا النجوم طالعة تبارك هوانا
ويمر بينا النسيم فى الليل وعطر لقانا
انا وحبيبى معايا عايشين فى دنيا الامانى
وصفحة الكل راية فيها الفرح والاغانى
ساعة طلوع القمر علينا فى كل ليلة
وياه بيحلى السهر والدنيا تبقى جميلة
نولت الهنا وشوفت انا كل المنى ما بين ايدينا
اسقينى من كاس رضاك يا مالينى طول عليا
اهنى قلبى بهواك واملى بنورك عينيا
ياما فى دنيا عزول قاسيت فى بعدك ليالى
محتار اصبر عيونى ولا اطمن خيالى
على ضفاف الغدير تعالى اقولك حكاية
ونتوه فى دنيا العبير فى بحر مالوش نهاية
نشرب فى كاس الندى ونصحى فجر الورود
ياريت يطول المدى وانسى معاك الوجود
ساعة طلوع القمر علينا فى كل ليلة
وياك بيحلى السهر والدنيا تبقى جميلة
انا وحبيبى
غناء: شهرزاد
اشعار: محمد على احمد
الحان: احمد صدقى
السنة: 1957
التصنيف: عاطفى