اوعى تغير
ارجوك اوعى تغير
وانا حوليا كتير
انما قلبي معاك مخلص لك واسير
انا حوليا كتير
مالهم ولا تاثير
اصلي بدوب ف هواك وبعيش لك بضمير
ماتخفش من الناس حتى ولو شغلوني
دي المساله احساس مش نظرات يا عيوني
الناس بتكون جنبي
لكن انت جوه ف قلبي
وبعيش لك ضمير وانا حوليا كتير
صدقني وخلاص دنا بخلص ف هوايا
ومدام الاخلاص موجود يبقى كفاية
الناس بتكون جنبي
لكن انت جوه ف قلبي
وبعيش لك ضمير وانا حوليا كتير
متاهات
ماتدخلنيش متاهات
وتقلب كل ما فات
ماتسبش طريقنا الواضح
وتروح ع الحواديات
ما تكلمنيش ع الماضي
خلينا ف الجيات
اللي بيحب بقلبه غير اللي يحب بعقله
واللي يدور ع الجوهر ما بيسالش ايه شكله
وان كانش الهوى يرفعنا فوق العالم ومشاكله
مش راح نخلص يا حبيبي ولا ثانية من الخلافات
وماتدخلنيش متاهات وخلينا ف الجيات
افتكر ان احنا حبايب يا حبيبي مش عزال
وقلوبنا لابد تبقى على بعض ف اي حال
وان كان فيه مشاكل بنا حبي يكون لها حلال
وضروي حبك بردو يبقى اكبر م الازامات
وماتدخلنيش متاهات وخلينا ف الجيات
ماتكنش ف حبك عادي اقفل ع الغيرة الباب
ما تكنش ف حبك عادي زي باقيه الاحباب
خلى العشرة اللي ما بينا تغلب اقوى الاسباب
و اذا كنت شاريني حقيقي ريحنى طول الاوقات
وماتدخلنيش متاهات وخلينا ف الجيات
سفر
سفر سفر سفر
تعبتني سفر غلبتني سفر توهتني سفر
مع اني مش بسافر
د انت اللي بالسفر واخد قلبي معاك
واخد عقلي وراك
ومشتتهم هناك
بعيد بعيد بعيد في غربة السفر
البال مشغول عليك لغاية الانشغال
ومن الحنين اليك حالي يا عيني حال
لا بتغمض لي عين ولا بيهدى لي بال
واتمنى لو انام
وتزورني ف المنام
اهه سفر والسلام
ولو مش بالنظر
اصل انت ف السفر واخد قلبي معاك
واخد عقلي وراك
ومشتتهم هناك
بعيد بعيد في غربة السفر
كل ما تروح بعيد وتطول ف الغياب
كل ما النار تزيد واتالم ف العذاب
وروحي تبقى اية متعلقة بجواب
وابقى يا نور عيوني
من حيرتي ومن ظنوني
ح يجن خلاص جنوني
م الوحدة والسهر
اصل انت ف السفر واخد قلبي معاك
واخد عقلي وراك
ومشتتهم هناك
بعيد بعيد في غربة السفر
بحبك بدالك
باحبك لاخر ما يخطر في بالك
لابعد ما تحلم ويوصل خيالك
واكتر ما تقدر تحب انت نفسك
باحبك انا اكتر باحبك بدالك
باحبك واعزك واصونك ف عيني
واغير ع المحبة اللي بينك وبيني
واخاف من عيون العوازل علينا
واحوشها بايادي الهوى اللي ف عنينا
عشان تسلم انت وانا اعيش ف حسك
اطمن حياتك واحقق امالك
باحبك صحيح قد روحي وحياتي
ومن كتر حبي بينطق سكاتي
بينطق ف قلبي ورمشه عنيا
ورعشة اديا ف سلامك عليا
وقبل ما تنده تلاقيني جنبك
وقبل ما تسال اجاوب سؤالك
بهدوء
بهدوء نفسي نتفاهم سوا بهدوء
ونروق ونفوق على احلى حقيقة نفوق
واحكي لك كل اللي ما قلتوش
ولا حستهوش ناحية مخلوق
بهدوء نفسي نتفاهم سوا بهدوء
انت وبس انت اللي بدوب فيه
والحب اللي مقدرش اداريه
ولا يمكن اعيش ابدا غير بيه
كان متهيا لي ده شئ ملموس
اتارية مش باين ولا محسوس
يمكن ده لاني ما شرحتوش
على كلن كل ده ملحوق
لما نتعاتب سوا بهدوء
بهدوء نفسي نتفاهم سوا بهدوء
مهو مش معقول ان اللي يحب لابد يقول
طب دنا احاسيسي لو تنقال تحسبها خيال
ومشاعري الحلوة من نواحيك
مالهاش ولا وصف يعبر ليك
ويكون مقبول
كان متهيا لي ان النظرات ممكن تغنيني عن العبارات
لكن العبارات حتى ماكفوش
على كلن كل ده ملحوق
لما نتعاتب سوا بهدوء
بهدوء يلا نتفاهم سوا بهدوء
اكتر من روحى
اكتر من روحي باحبك بحقيقي باحبك اكتر
وشعوري بحبك اكبر من انه بشئ يتقدر
ولا كل لغات الدنيا تقدر عن حبي تعبر
وغنايا بكلمة احبك بالنسبة لدرجة حبك رمز صغير مش اكتر
اكتر من روحي باحبك
وتصور حب الازهار لربيعها يجي يزوق ويعطر
حب الاشجار وفروعها للندى ف الصبح يقطر
حب الاطيار ف عششها لصغارها لحد ما تكبر
وتصور حب الفراشات طيرانها على لمحة نور بتنور
تصور كل ده كله تلاقيني باحبك اكتر
اكتر من روحي باحبك
وتصور حب الشاعر للمعنى حب الرسام للمنظر
حب الكروان للمغنى بالليل لوليف مستنظر
وتصور حب السهران للنجمة تونسه على قد ما يسهر
حب الحران للنسمة ف الصيف والجو محرر
تصور كل ده كله تلاقيني باحبك اكتر
اكتر من روحي باحبك
وتصور حب المخلص لحبيبه اللي ولا بايه يتغير
حب المؤمن لنصيبه للقسمة والمتقدر
وتصور حب الانسان لوجوده لو حس بعمره بيقصر
حب الشبان لاملها حب الاطفال للسكر
تصور كل ده كله تلاقيني باحبك اكتر
اكتر من روحي باحبك
اغانى البوم "اكتر من روحى"
غناء: لطيفة
اشعار: عبد الوهاب محمد
الحان: عمار الشريعى
السنة: 1988
التصنيف: عاطفى