انا شوفتك فين من قبل كده
ما تقولى امال متحيرنيش
وانا برضه العين بتقولى كده
غيرك انتى جمال فى الدنيا مفيش
يمكن على النيل والعصر نسيم
هادى ونادى
كان حلم جميل خلانى اهيم
وافضل انادى
بس انا مش فاكرة قابلتك فين
وانا برضه كمان
وبفكر شوفتك امتى وفين
مش لاقى مكان
يمكن فى جنينة مع الازهار
شوفتنى مرة
يمكن ولو انى صحيح محتار
يا اجمل زهرة
غيرك انتى جمال فى الدنيا مفيش
طب قولى امال متحيرنيش
انا شوفتك فين
يمكن فى منام مر علينا
يمكن يمكن
قبل ما نتقابل حبينا
لا لا مش ممكن
مش ممكن ليه
ده الحب ان حب يضم روحين
بيسلموا ليه
من غير ما تسلم ايد ولا عين
ده كلام معقول
وانا برضه بقول
غيرك انتى جمال فى الدنيا مفيش
طب قولى امال متحيرنيش
انا شوفتك فين
انا شوفتك فين
غناء: طروب ومحمد جمال
اشعار: امام الصفطاوى
الحان: محمد جمال
السنة: قدمت لاول مرة فى حفل عام 1961
التصنيف: عاطفى
الحفلات: حفل شم النسيم سينما قصر النيل عام 1961