حكاية
حكايه تحكيها السنين عايشه في ليل السهرنين
بتحكي عن عاشق وحيد عايش مع الايام بعيد
تلاقوه هناك جنب الطريق وحيد يافرح ولاصديق
في عنيه ندم علي حب ضاع في عنيه الم مليون وداع
حكم الهوي فوق الجبين حكايه تحكيها السنين
كانوا هناك ديما سوا هو وحبيبته والهوى
وايا القمر في كل يوم تحت الشجر وايا النجوم
لكن سبق حكم القدر وحكمه اقوي من البشر والدنيا حكمت بالنصيب
وخد حبيبته حبيب غريب
وحيد من سنه بعيد مش هنا بس الدموع هتفيد با ايه
بعد اللي ضاع من بين ايديه لو تسالوه هيقولكم
ماتجرحوش يوم حبكم وتضيعوه
تلاقوه هناك جنب الطريق وحيد يافرح ولاصديق
في عنيه ندم علي حب ضاع في عنيه الم مليون وداع
عارفين حبيبته تبقي مين؟؟؟
تبقي اناااااااا..اناااا
تبقي انا ياعاشقين
انت انا
أنـت أنـا دائمـا هنــا فـي عنينـا
وفـي قلبـي أنـا .. أنـا
دائمـا قريـب ولا يــوم تغـيـب ولا يخلـص الشــوق مننـا
أروح بـلاد وأشـوف وجـوه وساعـات أضيـع وكتيـر بتـوه
لكـن بعــود مـن تانـي ليـك ألاقـي روحـي معـاك وبيـك
مـا أنــت أنــا
كـام مـره شوفتـك فـي السحــاب
فـي بـلاد غريبــه عننــا
زي القمـر وسـط الظــلام يطلــع ويبـرق حبنـــا
ويـا دوب راح أبــدا بالســلام
أتارينــي بحلـم بيـك أنـا يغلــب شفايفــي الابتســام
علــى اللـي جرالــي فـي بعدنــا
وأتاريــك بعيــد بعيـد وأملـي الوحيـد وحيد
دايـر على فـصول السنـه
ومـره كنـا زعـلانين متفرقـين عـن بعضنـا
وسهـرت ويـا السهرانـين بتمنـى أعيـش لحظـة هنـا
شفتــك فـي كـل الموجوديـن بتبـص فـي عنينا أنـا
جـيت ألمسـك لمـس الإيديـن لقـيت فـراغ بيضمنـا
ورجعـت ليـك ليـك أسـأل عليـك عليـك
ورجعلنـا تانـي لحبنـــا
حبيبى بيحبنى
حبيبي بيحبني في حاجه اجمل من كده
ايه تاني هيهمني حبيبي بيحبني
ايه تاني هيهمني من ده وده او دا ودا
دا حبيبي بيحبني
كل العالم كان قدامي ساعتها مايسوي لحظه حب
دا انا ياما اتمنيت احلامي اني حقيقي اكون بتحب
سر الحب فهمته لاقيته انه بيدي العمر حياة
معني حياتي اللي اتمنيته قبل ما اقبله واعيشه معاه
قالي بحبك قولت بحبك كلمه اتقالت بين قلبين
رقصت سهر وكانت قمره وغنت نسمه وعصفورتين
قبل مايجي معاده برحله القايه هو سابقني كمان
احلي زمان في العالم كله وايا حبيبي في اي مكان
يفضل يحكي واحكيله عن بكره اللي بنستناه
نغلب خوفنا ونعديله ونقول كل ما نتمناه
ويروح يومنا ضحكه وفرحه طعمها زي ليالي العيد
ويفوت ليالنا علي شوق نصحي نتقابل مع فرح جديد
حبيبي بيحبني في حاجه اجمل من كده
اياك تنسى
اياك تنسي اليوم ده ياقلبي خليك فاكر حالتك ايه
اصل اليوم ده بدايه حبي وهنكدب علي بعضنا ليه
حسيت بيك دقاتك زاده دوبت في حبه ونارك قاديت
مهما تداري ومهما تخبي اياك تنسي اليوم ده ياقلبي
اول ما اتقابلنا مااعرف ايه جرالنا
دوبنا وانشغلنا وفرحنا بلقائها
كان باين علينا وهربنا بعنينا
ورجعنا ولقينا كل كلامنا تاه
اياك تنسي اليوم ده قلبي خليك فاكرحالتك ايه
اصل اليوم ده بدايه حبي وهنكدب علي بعضنا ليه
شوفت ياقلبي ازاي وانا جنبه كنت هطير من فرحه بقربه
وانت بتهمس حب في قلبه عمرك يوم ماهمسته زمااان
شوفتك دقت دقه جديده واتنهدت كمان تنهيده
قولت هنبداء رحله سعيده نتمني تكون نور وامان
اياك تنسي اليوم ده قلبي خليك فاكرحالتك ايه
اصل اليوم ده بدايه حبي وهنكدب علي بعضنا ليه
اغانى البوم "حكاية"
غناء: سميرة سعيد
اشعار: عمر بطيشة
الحان: محمد سلطان
توزيع موسيقى: ابراهيم الراديو
السنة: 1987
التصنيف: عاطفى