يا سامع قلبى رد عليه
وقولى انت ساكت ليه
ساكت ليه رد عليه
بقالى سنين وانا عايش على ذكراك يا واحشنى
وقلبى حزين وكله ما اقول خلاص هانساك بتوحشنى
والاقى روحك الهايمة تشوف قلبى عليك حيران
تزورنى والعيون نايمة تنادى لروحى زى زمان
وبعد ما قلبى يتهنى ويسعد بك فى حلم طويل
تفوتنى لوحدى اتمنى تعود لياليك يا حلم جميل
واقولك انت ساكت مبتردش عليا ليه
ساكت ليه رد عليه
بغنيلك واقول غنوة كتبناها لبعض وكنا بنقولها
وبحكيلك حكاية حب عشناها ولا قدرناش نكملها
واوصفلك فى احلى غرام ساعات قلبى وهنانى
علشان يمكن مع الايام يكون لى معاك نصيب تانى
وترجع تصفى ايامنا وتسعدنا بحلاوتها
وتحلى الدنيا قدامنا وترجع زى عادتها
واقولك انت ساكت مبتردش عليا ليه
ساكت ليه رد عليه
يا سامع قلبى
غناء: ابراهيم حمودة
اشعار: عبد اللطيف البسيونى
الحان: عزت الجاهلى
الاصدار: من تسجيلات الاذاعة المصرية
السنة: 1959
التصنيف: عاطفى