نجوم الليل.. دموع تحكي على حبي وآمالي
سواد الليل سطور.. تحكي عذابي وانشغال بالي
ظالم وبحبه من روحي.. قاسي و فحبه طال نوحي
ليه الظلم ليه.. ليه القسوة ليه
ليه يا ربي ليه..
داريت الدمع والشكوى.. عن الدنيا اللي ما تسوى
ومين قال الحياة حلوة.. وفيها الظلم والقسوة
لمين أشكي و يسمعني.. لمين أبكي و يرحمني
ليه الظلم ليه.. ليه القسوة ليه
ليه ياربي ليه
العمر قضيته.. حزين مظلوم
أخلص من هم ألاقي هموم
على دمعي أنام.. على دمعي أقوم
وأقول ده نصيب وقدر مقسوم
يا ربي إيه العمل.. ذي حكمتك
يائس ومالي أمل غير رحمتك يارب
نجوم الليل
غناء: فريد الاطرش
اشعار: مأمون الشناوى
الحان: فريد الاطرش
الاصدار فى: فيلم "لحن حبى"
السنة: 1953
التصنيف: اغانى افلام / عاطفى