انوار الهداية يا هادى
وبشير الايمان بينادى
ايام المناسك عادت
بالحج وزيارة الهادى
على طريق الله
يا حاج بيت الله
ده ركن من الاسلام فارضه
رب العباد على المقتدرين
واللى يزور جنة ارضه
يمحى ذنوب ايام وسنين
ادى كعبة الهدايات
فاضت بانوارها
وادى منى وعرفات
بركة لزوارها
وادى صفا ومروة
وزمزم الحلوة
شعائر الاسلام
ونور هدى وسلام
ومعاها المباهج زادت
وبشير الايمان بينادى
ايام المناسك عادت
بالحج وزيارة الهادى
على طريق الله
يا حاج بيت الله
وفى المدينة حبيب تهواه
كل القلوب وبتسعى اليه
نبى الهدى ورسول الله
طول الزمان بنصلى عليه
محمد المختار وكامل الانوار
يا بخت من حج ووفى
وزار مقام المصطفى
وقال معانا يارب
كمل هدانا يارب
وبجاه رسولك يارب
ننول قبولك يارب
ونشوف المباهج زادت
وبشير الايمان بينادى
ايام المناسك عادت
بالحج وزيارة الهادى
على طريق الله
يا حاج بيت الله
انوار الهداية
غناء: ابراهيم حمودة
اشعار: حسن السوهاجى
الحان: مرسى الحريرى
التصنيف: اغانى الحج