ادينى كل يوم وياك
وقربك فاكره يسعدنى
اتارى الورد له اشواك
وشوك الورد جرحنى
فضلت احلم سنين عمرى
بيوم قربك وطال صبرى
شغل عقلى عذاب حبك
وكان املى نعيم قربك
وكنت فى وحدتى راضى
بيسعدنى هوى الماضى
ياريتنى ما شوفت قربك يوم
علشان فى القرب انا مظلوم
اتارى الورد له اشواك
وشوك الورد جرحنى
مقولتش ليه لقاك قسوة
علشان ارتاح من الشكوى
فى قربك ظلم مرضاش بيه
وبعدك حلم ابكى عليه
وذنبى ايه بين العشاق
وعمرى كله ضاع اشواق
ياريتنى ما شوفت قربك يوم
علشان فى القرب انا مظلوم
اتارى الورد له اشواك
وشوك الورد جرحنى
وادينى كل يوم وياك
ادينى كل يوم وياك
غناء: رجاء عبده
اشعار: محمد عمر الطوانسى
الحان: مرسى الحريرى
السنة: 1958
التصنيف: عاطفى