فرحت لك لما اتهنيت
ياريت تفرح قلبى ياريت
كل العيون تعشق رؤياك
كل القلوب تسمع نجواك
وانا اللى وحدى اتمنى رضاك
ياريت تفرح قلبى ياريت
الفجر من حسنك بسام
والورد فتح فى نسماك
وانا اللى قلبى فى حبك هام
ياريت تفرح قلبى ياريت
فرحت لك لما اتهنيت
ياريت تفرح قلبى ياريت
تابت قلوب الناس بالذوق
وكل يوم تحلى وتروق
وانا اللى قلبى ضناه الشوق
ياريت تفرح قلبى ياريت
فرحت لك لما اتهنيت
غناء: ليلى مراد
اشعار: احمد رامى
الحان: رياض السنباطى
الاصدار فى: اسطوانات بيضافون
التصنيف: عاطفى