شئ جميل ان احبك شئ جميل
ياللى فرحى قبل منك كان قليل
بص شوف لهفة عينيا
ولا شوف رعشة ايديا
تلقى مية مليون دليل
ان حبك شئ جميل
تفتكر ساعة لقانا والفرح سابق خطانا
صورتك الحلوة فى عيونى
صورتى مرسومة فى عيونك
شوفت صورتى بتحكى عنى
كل حاجة فى هوانا
اما صورتك جوة عينى
حلفت قلبى يصونك
بص شوف لهفة عينيا
ولا شوف رعشة ايديا
تلقى مية مليون دليل
ان حبك شئ جميل
يا هوايا يا هنايا
يا نغم دايماً معايا
المحك فى الصبح بدرى
قمرى طاير فى سمايا
واسمعك والليل بيسرى
وانت بتردد غنايا
وانت اجمل اسم قولته
ياما برتاح له فى ندايا
بص شوف لهفة عينيا
ولا شوف رعشة ايديا
تلقى مية مليون دليل
ان حبك شئ جميل
الطريق اللى احنا قولنا نمشى فيه
احنا فيه
والامل اللى احنا قولنا نمشى له
هانلاقيه
هانلاقيه فى عيون زماننا
بتراعينا وتراعيه
كل ما نقرب يقرب
والوفاء يوعدنا به
بص شوف لهفة عينيا
ولا شوف رعشة ايديا
تلقى مية مليون دليل
ان حبك شئ جميل
شئ جميل
غناء: شهرزاد
اشعار: جمال عبده صالح
الحان: عبد العظيم محمد
التصنيف: عاطفى