على مين على مين على مين
على مين يا سيد العارفين
بتبيع الحب لمين
إن كنت جاي تغني
روح إسأل قبله أنا مين
متروحش تبيع الميه في حارة السقايين
يا ما ليك في الحب ضحايا
يحكوا عنك حكايات
بيقولوا إنك بتألف
فى الليلة سبع غنوات
والغنوة الواحدة في ليلة
تلحنها سبع مرات
وتروح تاني يوم وتقولها
بدموع وحنين وآهات
ان كنت جاى تغنى
روح إسأل قبله أنا مين
متروحش تبيع الميه في حارة السقايين
سيبك م البحر اللي انت غرقته نار ودموع
والأمل اللي أنا طمعته وخليته يموت م الجوع
والليل اللي مالوش آخر والقلب أبو شوق موجوع
سيبنا من الهم دا كله نتكلم في الموضوع
العشرة عايزة ضمان وبوليصة للتأمين
يكتبها القلب بنظرة تتقال من غير تلحين
مش قربة تشيلها وتمشي في حارة السقايين
مافيناش حاوريني يا كيكة
مافيناش لف ودوران
مابقاش فيه وقت يا روحي
للشكوى والهجران
ليك ماضي كله سوابق
في الحب ملكش أمان
وأنا عايزة حب حنين
مش حب يودي لومان
أنا عمري ما حب الخاين
ولا أحب الكدابين
متروحش تبيع المية في حارة السقايين
حارة السقايين
غناء: شريفة فاضل
كلمات: حسين السيد
تلحين: منير مراد
الاصدار فى: اسطوانات صوت القاهرة
السنة: 1964
التصنيف: عاطفى
الحفلات:
الحفلات:
- حفل أضواء المدينة بدار سينما قصر النيل احتفالاً بعيد الفطر المبارك عام 1965
- حفل أضواء المدينة بطنطا ضمن سهرات رمضان عام 1965
قام المطرب محمد منير بغناء الاغنية عام 2012 فى البوم "يا أهل العرب .. والطرب"